【香港工作福利同外國最大分別係咩?】

話說早兩日係某個外傭僱主Group度見到有個僱主希望可以比佢工人放星期六日,因為覺得反正佢地兩公婆都係放星期六日無乜野做,跟住留言當然一面倒話「唔好呀寵壞曬」、「到第時你唔叫佢唔放你就會黑面」、「你唔好寵壞曬香港D工人」。 . 當我同朋友分享到我係英國既福利,例如當知道你係一直Work From Home,大家就會問「咁你老細點知你有無做野」「咁你咪好Hea」,或者知我公司有錢可以Claim學野,就會幫我諗埋d縮數點樣可以「呃」claim,好似覺得呢D福利係我唔應該有咁。 . 係亞洲,好似無人會覺得返工有額外福利係應份,大家都好似覺得呢D福利只會係養懶人,只會令到員工更唔勤力,我自己係香港都做過幾間Startup,福利都算叫做好少少,但你問會唔會真係開心?果種福利只係因為你做得辛苦所以補償比你,平時做到凌晨先收工,你送包薯片比我都無用啦。 . 相反,其實外國公司就會覺得福利係公司好核心既一環,因為只要有福利先留得住員工,唔會好似香港咁「你唔做咁我請第2個」,而且呢度既福利更多係希望員工係喺度做得開心,做得開心自然會有動力有歸屬感,但我諗香港好多公司都忽略左「要員工係公司做得開心」既呢樣野。 . 外國既工作福利有好多種類,絕對唔止係加人工同放假咁簡單,因為如果你係做得辛苦同唔開心,無論加幾多同比幾多假你都係會走或者無效率;我公司每個月都會有份「開心問卷(Happiness Survey)」,入面既問題唔係靜係問你係公司有幾開心,仲會問你「你覺得公司有無比足夠support你?」「你覺得你做緊既野有無人欣賞?」「你覺得有無Worklife-Balance」等等,而且因為係不記名,所以公司每個月都會好努力改善福利希望大家都做得開心,仲會有問卷比大家填希望公司比到咩福利你。 . 雖然知道文化呢樣野並唔係一朝一夕可以改變既事,但香港人不如由自己心態做起,見到人地工會爭取緊或者自己有能力比到福利員工既時候,試下唔好潑冷水,行多一步? --------------------

延伸閱讀:【英國工作分享】文職求職過程|我靠甚麼成功獲聘?有甚麼要注意?: https://youtu.be/sQ6YMvnOzrA 【英國搵工分享】香港人在英國求職4大錯誤 !要做好準備面對失業?:https://youtu.be/q3EJuL50Xs4

-------------------------

我IG會更新得密D :https://www.instagram.com/sonia.man_.

記得係Facebook將我個Page較「See first/搶先看」,就唔會錯過工作分享/招聘資訊啦~

我Facebook係:https://www.facebook.com/Soniatraveljourneys

YouTube : youtube.com/c/sonia11031212

如果你中意睇我寫既野,可以請我飲杯咖啡等我更加有動力寫

https://www.buymeacoffee.com/soniaman



185 次瀏覽1 則留言

最新文章

查看全部