// 一個新身份的開始 //



由上年9月直到今日,不經不覺嘅時間黎咗英國都超過半年時間。等待看似漫長,但回望又好似過得好快。由當日我哋起行嘅決定,到今日所期待嘅日子終於來臨。係一個重新人生嘅開始,一個全新身份去過活。走出自己舒適圈係會有多少徬徨,同時亦會充滿希望。前幾日收到Home Office email感覺其實仲未係好踏實,當尋日正式收到張BRP,實實在在嘅感覺即刻出晒黎。

出尼個貼文只係想同大家分享,等大家知道一下現時階段,H.O.處理緊咩時期嘅申請。其實我覺得英國對我哋香港人已經係非常特事特辦,以佢哋做嘢進度同方式,對我哋已經相當有效率。我想真係申請人數太多,希望等緊批嘅朋友耐心等待,我覺得只要齊晒要求資料係會盡快處理的。咁就比大家知道下我哋申請嘅時間流程(只係一個參考): . . [31/1] 經網上完成BNO VISA申請(因為我哋人在英國,亦想有返實體BRP。見到大家用app批核嘅時間會較網上快)

[2/3] 到UKVCAS打指紋同影相做BRP(當時太多人申請,我係每日零晨十二點部住系統更新,尼個期已經係最快有位,建議每朝都上去睇睇有冇期)

[22/4] 收到email通知成功批核(尼排心急朝朝密密check email,收到嘅時間竟然係放咗工夜晚成9點鐘)

[27/4] 中午收到email通知有BRP號碼,亦將會速遞送到。同日下午已經速遞已經到上門,簽名核實身份,BRP到手。(之前個email話7個工作天會送到,但未夠第5日已經送出) . . 完成咗一件大工程,其實只係另一個開始。提一提大家當收到BRP第一件事,對清楚資料有冇錯,都聽有人話會有錯就要即時通知H.O.。下一步要處理係申請NI,網上睇到有人問咗gov.uk話5月會改為網上申請,咁就留意消息更新。希望比大家知道個進度得個安心,請大家繼續耐心等候,英國政府真係幫緊你幫緊你。 . . _________________ 影相佬@ http://bit.ly/hkerintheuk_ig 中女@ http://bit.ly/truean _________________ MEWE: http://mewe.com/join/hkerintheuk BLOG: http://bit.ly/hkerintheuk_blog


#英國 #香港人 #逃離舒適圈 #尋找自由地 #為生活而活 #重新活過 #我不是移民 #只是闖闖 #終點只是另一起點 #機會留給有準備的人 #港人鏡頭在英國 #攝出另一天地 #有目標不做咸魚 #hkerintheuk #BNO #LOTR #BNOVISA #hkstyle #daretodream #dreamyourdream #whynottochange #nothingimpossible #wearehkers

616 次瀏覽0 則留言

最新文章

查看全部