保安/防盜裝置分享 🔔

呢個其實係爸爸負責嘅範圍,不過最近同朋友傾開,我都扮嘢寫少少先🥸。


基本防盜裝置可考慮Ring 或Google Nest 嘅starter kit,全set有motion detector 同 door sensor (一般冇包鏡頭),有wireless 選擇組裝亦比較簡單。假若有人爆屋或感應到移動,可設定發短訊通知或響鐘。


長住嘅話,可考慮請保安公司安裝防盜系統,保安公司好多都係地區性,可以參考左鄰右里用邊間公司多(留意警報器上面個大logo),再約報價+安裝。保案系統有唔同程度收費,可以駁去警局,純粹大響,又或叫保安公司限時內無回覆就即刻派人嚟都得。


我哋屋企好簡單,每年有師傅嚟測試系統,合格再發證書,交年費。我識有個家長因為老公經常要工幹,所以選擇有事發生就由保安公司派人嚟,呢啲服務係每月收費嘅。Home insurance 都會視乎屋企保安系統做多少而有影響。


我自己就覺得其實各樣裝置都係阻嚇作用佔多,如果屋企明顯有裝防盜警報,感應燈,cctv各樣,基於取易不取難嘅心態賊人都未必會攪你。但如果唔好彩成為目標,即使影到賊人個樣都唔會有咩幫助,最緊要人身安全,財物最終都係claim 保險了事。


⭐️Owl messaging system 🦉

初初搬嚟呢區時我哋登記咗Owl (Online Watch Link) , 免費嘅,有罪案發生時就會收到Community Coordinator或警察通知,例如叫大家留意失車,可疑人,另外亦會通知大家近期興咩犯案手法,大家提防吓。


我區最常出現嘅罪案都係scam或同車有關,之前有賊人用儀器,利用放近大門位置嘅電子車匙嘅電波直接將車開走。Lockdown 期間就有家長架車就咁俾人夜晚揸走咗😵。預防方法可以將電子車匙放鐵盒內又或買個防盜匙套。另外時不時亦有賊人會拆走車底嘅catalytic converter。


Owl 嘅服務範圍只有特定區份,並非全國性,不過唔同區份可能都有自己嘅通訊系統,呢樣就要自己搵搵了👉🏻 https://www.neighbourhoodalert.co.uk/pages/170/1/Community_Service_Areas.html



87 次瀏覽0 則留言

最新文章

查看全部