別離嘅空虛感

早排同岩岩到埗無耐嘅網友傾偈,佢講咗句我好認同嘅說話:「我過嚟果班機好多香港人,大家一齊出發去到英國嘅機場之後各散東西...果種感覺好空虛。」


回想出發當日,同機嘅港人唔多(基本上人都無乜)由香港機場出發到芬蘭再轉去Manchester同一班機,去到Manchester機場都係得返幾個熟悉嘅面孔,大家都有住同一個原因咁離開香港,當咁岩有眼神接觸嘅時候都有一種欲言又止嘅感覺。


畫面嚟到Finland airport
過晒關,眼見住同班機嘅港人開始分流去唔同候機大堂
心知... 大家始終要分別喇~
去到我哋班機嘅候機大堂,一個二個支那人整裝待發等上飛機,
眾裡尋他咁想睇吓有無港人同機
「E~同我哋同一班機嚟果兩個男人啊,佢哋都係轉呢班機去Manchester喎」我同阿盧講。


臨上機前去一去廁所,出嚟咁岩見到大家,點點頭打招呼寒暄幾句交換咗電話,想話去到UK大家會唔會有機會可以約下出嚟啦。其實心知到埗都會各散東西,純粹果刻有個同聲同氣一齊出走嘅人慰藉吓咁...(無錯~去到UK我哋同佢都無keep contact喇)


畫面一轉去到Manchester airport 過海關一刻,亦係我最最最緊張嘅一刻,apply LOTR嘅港人慢慢被分配到同一條隊,眼見住每個人都好緊張地反覆check手上面嘅文件;一個一個人/家庭通過果一道離開入境大堂既玻璃門。望住佢哋嘅背影好想衝上前拍下佢哋膊頭講聲:有緣再見~加油! 直到所有嘢攪掂晒拎晒行李出到去機場,已經唔見晒果幾個同自己一齊橫跨半個地球嘅同路人喇...

原來就係呢種空虛感...


離別有3個階段:第一係同朋友/親戚飯聚後嘅道別;第二係家人機場送你嘅一刻;到最後就係同你橫跨半個地球嘅同路人,雖然大家互不唔識... 但可能果班係你最後同香港有掛鉤嘅人,所以有一種特別嘅不捨。

雖然呢個時勢大家都好緊張唔會話想同陌生人搭嗲,但... 如果可以的話向同機嘅香港人臨別一刻點個頭,心入面講句:加油!香港人!

隨文奉上the day we left:https://youtu.be/gfhGL2XG3dg

以上係個人經歷,如有”不同”實屬巧合😝


︎如果鍾意我嘅文章/影片不防比個like鼓勵一下或者comment同我傾吓計啦~


︎歡迎share出去畀更多人睇喔


224 次瀏覽0 則留言

最新文章

查看全部