哪裡有家人,哪裡就是家。

膽粗粗1-2年前籌備移民英國時,朋友最常問嘅FAQ係: - 你有屋企朋友喺嗰邊? - 你以前喺英國住過?


我每次都答話,無呀,真係無⋯⋯ 只係心口掛住個勇字,一家三口咁就過咗嚟! 人生路不熟,但持住自己仲後生 (應該係) 就從新學習,從新適應,只要一家人一齊面對,事情就變得唔困難!


點會估到事隔半年,香港變天,香港人獲得相信係唯一一次機會嘅BNO平權,之後聽到好多朋友陸續都計劃過嚟,有唔少仲要已經到咗!有啲朋友,係香港唔太常聯繫,但嚟到英國,他鄉遇故知,話題特別多,共鳴特別強。一路分享大家嘅心路歷程、所見所聞,除咗感動,還是感動!


我哋而家都有表哥一家一齊申請 visa 移民住埋同一個小鎮,住屋只係步行 15 分鐘嘅路程,比喺香港時仲近,能夠互相照應。最重要係,博博有佢嘅表哥表姐一齊玩,無聊時去公園跑跑 hea hea。

就好似朋友C Guts 駐英互助委員會 喺佢嘅港台短片中所講,哪裡有家人,哪裡就是家。 我都希望長老們疫情過後可以快啲過嚟,短住又好,長住又好


可以嘅話,唔好諗方法做太空人家庭 錢搵唔哂 但,小朋友嘅嘅成長同經歷係搵唔返


---

離開是為了回來 為未來繼續努力 ---


Follow to stay tuned ❤️❤️

Facebook : https://www.facebook.com/ukbossmama

Instagram : https://www.instagram.com/rachelwmt/

413 次瀏覽0 則留言

最新文章

查看全部