嚟到英國要喺酒店隔離幾十日會係點過?

以下劇情純粹創作,如有雷同實屬巧合


一個係有朋友打救版本 一個係冇朋友打救版本 同場加推特別版,你去打救朋友版本


間酒店房嘅大細視乎你俾幾多錢 豪華酒店都未必一定有冷氣 夏天嚟嘅你哋記得揀好啲酒店,夏天嚟都冇冷氣又無風又唔俾開門,十日你死撚緊


切記切記切記,隔離嗰10日不要上網去八卦其他地方人士隔離嘅飲食情況 https://youtube.com/watch?v=aOBjlquI7ao&feature=share


#prefercountryside


============================ 有朋友打救版本~~ ============================ Day 1 : 真係唔該晒你要車我哋過嚟酒店,未來嗰10日靠你啦 Day 2 : 估唔到英國啲中式外賣都唔差喎,有豉椒牛肉,菠蘿雞,咕嚕肉都有 Day 3 : 唔知早餐除咗食麵包夾凍肉之外有冇其他嘢揀呢? Day 4 : 你晏啲可唔可以攞埋個電磁爐,碗筷同埋煮食工具,我想肚餓嗰陣時煮個公仔麵食 Day 5 : 唔知今晚可唔可以攞啲薄切肥牛嚟呢?今晚好凍諗住打邊爐。 Day 6 : 睇你 FB 見你post嗰啲相出嚟食韓燒喎,可唔可以借韓燒嗰個爐俾我,韓式燒肉同埋泡菜炸雞打啤酒梗係唔少得啦。 Day 7 : 食咗幾日咁豐富今日都係要休息下,想食返啲香港口味中和返,唔該沙嗲牛麵加杯凍檸茶 Day 8 : 尋日朝頭早嗰啲白粥唔夠綿,唔知下午茶有冇叉燒包奶皇包加一壺繡眉茶呢? Day 9 : E?又食返中式外賣店嘅嘢?乜你呢度冇其他嘢揀㗎? Day 10 : 真係唔該晒你呢幾日嘅招待,嚟緊呢兩個禮拜寄居係你屋企希望唔好打攪你啦 (不過唔知兩個禮拜之後係咪繼續 Lockdown 姐)



============================ 冇朋友打救版本~~ ============================ Day 1 : Diu,依家咁早冇外買餸,坐完十幾個鐘頭飛機,再加多幾個鐘頭路程先嚟到呢間豆膶咁細嘅酒店,而家仲話要等到今晚五點先可以叫外賣 Day 2 : 早上,Diu,間酒店有冇早餐提供,有冇外買做早餐同埋午市,我係咪又要等到今晚先可以食外賣中餐? Day 3 : 早上,Diu,又要食返尋日啲隔夜飯,仲要冇微波爐叮翻熱佢。午餐,Diu,有冇嘢食啦,今晚要點得豐富啲。 Day 4 : 早午,Diu,凍冰冰嘅Pizza,加飲咗一半嘅可樂。 Day 5 - 10 : 循環地食 中式外賣,Pizza,Kebab,炸魚薯條,麥當勞,KFC。



============================ 你去打救朋友版本~~ ============================ Day 0 : 阿邊個邊個聽朝落機,今晚要早啲瞓,凌晨就要起身出車接佢哋啦 Day 1 : 喺機場等咗N個鐘頭,你哋終於出嚟啦,安全啦安全啦,我已經晨早買定好多乾糧俾你地去酒店用。安頓左你哋返到屋企仲辛苦過喺香港返工。 Day 2 : 好在早餐已經準備咗比佢哋,而家淨係車啲午餐同埋晚餐比佢哋就得。一來一回一來一回又一日。 Day 3 : 早餐想食其他嘢?我買定啲牛奶同埋粟米片等你自己處理。 Day 4 : 頂,你攞咗我個電磁爐咁我點打邊爐啊。。。 Day 5 : 自己都冇薄切肥牛,去邊度切俾你?一日走兩轉車其實都好攰。 Day 6 : 聽日你會唔會要我個電飯煲㗎?星期六日我都冇得放假... Day 7 : 香港人果然係有要求,有品味 Day 8 : 隔夜嘅白粥梗係唔好食啦,喺屋企蒸熟晒啲叉燒包奶皇包繡眉茶,攞到過嚟咪又係凍哂唔好食。。。。 Day 9 : 英國係咁悶嫁啦,冇乜嘢選擇 Day 10 : 明明我以晝夜無間踏進面前路,夢想中的彼岸為何還未到?

101 次瀏覽0 則留言

最新文章

查看全部