嚟到英國買車之後第一件事要做乜嘢?

英國嘅天氣俾人嘅印象就係大霧落雨,對於香港人來講,呢邊嘅溫度四季如冬,除咗夏天熱浪嚟嘅時候如果冇風吹嘅話先想開冷氣,否則隨時都要有件外套跟身。嚟到呢邊你會發現,成日都會有一邊曬太陽一路淋雨嘅機會,淋完雨之後再曬返太陽。

.

就係呢幾日,我住喺呢個區域夜晚落大雨,一到起身返學就停雨出太陽,晏晝當地下曬乾左之後,忽然之間一陣寒風,居然落冰雹,梗係冇澳洲嗰邊成舊石咁大粒啦,舊雨雲一陣又吹走左又出太陽。

睇呢啲重複濕煎嘅天氣之下,當你要揸架車出街嘅時候,一定會變到異常咁污糟。落完雨個地下濕晒,前面架車個後轆將地下啲雨水同埋塵埃彈晒去你家車頭度,呢個時候個太陽通常好猛烈咁幫你曬番乾啲塵,你揸幾耐車呢個循環就運作幾耐,泥鴨就此誕生。情況嚴重啲嘅你會覺得自己架車變咗一粒流星一樣,多咗好多天然泥加塵埃嘅條紋。

.

所以我建議大家嚟到英國買咗架車之後,緊記幫佢打多幾層車蠟,有咁勁打咁勁,你之後就可以慳返好多洗車嘅時間同埋錢。因為靚嘅車蠟,絕對係可以幫你喺落大雨嘅時候自動除塵。另外相信大家都唔會咁勤力每日洗車,就算今日洗完轉頭又落雨,每朝起身留係車上面嗰陣時水氣真係好厚。真係唔會洗得幾多次車,久而久之啲塵埃就會停留咗喺架車上面。同手機Mon貼一樣,上面污糟咗,有車蠟頂住嘅話下面都唔會咁快有事。之後自己洗車攞條水喉射兩下就乾乾淨淨。當然呢個功能並不適用於白色車。

.

記得每一兩個月補多一層車蠟上去,保持車蠟厚度







www.facebook.com/Prefercountryside/

#prefercountryside

#BNO

#英國買車

501 次瀏覽2 則留言

最新文章

查看全部