將兩邊文化融匯貫通,
為新生活,新身份創造出新傳統



嚟到一個陌生啲國度 為咗融入呢到嘅節奏、習慣... 有可能會漸漸失去咗一啲傳統 但其實唔係要將一切忘記/徹底改變... 而應該將兩邊文化融匯貫通,
為新生活,新身份創造出新傳統。


其實我真係好欣賞果啲會將傳統家鄉菜一代傳一代嘅家庭。可能個人比較念舊好容易陷入懷念mode,成日都會因為一種味道/氣味/歌聲而想當年。
因為我上一代已經係土生土長香港人所以根本就無咩傳統家鄉菜可言,對我嚟講姑媽嘅住家菜已經係我嘅家鄉菜。

從來無諗過有一日會咁落力捍衛自己嘅童年、傳統,但奈何有時候點煮都真係做唔返姑媽嘅味道,有時候係食材影響;有時候係廚藝問題,咁唯有將做法改良一下,將就下啦~


咦!其實...香港係我嘅家鄉,咁...呢啲係咪叫做創造家鄉菜喇?


我唔要下一代淨係識得食炸魚薯條pizza同包;見到雞腳、魚ew ew聲...要識得魚蛋燒賣雞蛋仔屬於佢家鄉嘅美食


記得之前記者問過:「如果你下一代唔肯接觸香港文化... 咁你會點?」
我答:「佢成年後想點阻止唔到,但我會由細灌輸,教佢講廣東話(至少可以同長輩溝通),同埋一定會話佢知我哋有機會嚟英國嘅原因...」 新年依然會買年花;貼揮春;食蘿蔔糕、年糕... 派利是?諗諗先😂 中秋食下月餅(買到的話)玩燈籠;賞下月;燒下野食(無錯!我家中秋唔知點解成日都會燒野食)


以上所做嘅無非都係想將傳統傳去下一代,而且即使唔可以同在港屋企人過都好似接近啲咁😊

anyway 大家睇咗 https://youtu.be/G9yFF4cYQD8 未啊?


個人經歷,如有”不同”實屬巧合😝

▶︎please like / leave a comment

▶︎歡迎share出去畀更多人睇喔

影片:https://www.youtube.com/c/gaa1syu1/videos 即時動態:https://www.instagram.com/gaa1syu1/ 文章 : https://mewe.com/p/gaa1syu11

76 次瀏覽0 則留言

最新文章

查看全部