彷彿冬天飲雪水



#蠱惑的 嗱,並唔係話驕生慣養,不過,有樣嘢日日用,本來以為冇咩啫,完全不覺得有問題,但日日就Suffer緊一樣嘢,就想喺度吐一吐糟,拎出嚟俾大家笑吓,大家嚟緊搵樓都可以注意呢一點(圖片來自互聯網同款)。


估到未? ‧ ‧ ‧ 聰明嘅你一定知道係咩嘢有問題,冇錯,就係個水龍頭!


最初嘅時候,Rightmove 搵租盤嘅,當然,有唔少朋友都提到,啲相打哂燈㗎執好哂㗎,預咗去到會差啲。因為有朋友幫手開live幫手睇樓,所以一切已經做定心理準備,最後落差仍是有的,但尚不覺得太大。


呢一孖咁 #國產007 feel嘅 #左右開弓水龍頭,分別喺兩個洗手間都出現;而其實Rightmove睇相時都已經一早見到 (當時仲有眼明朋友睇到相,問我o唔ok),agent亦都冇P走,一切按實物直送。


怪就怪我低估咗呢度嘅冬天。


原來,每日洗手、洗臉嘅時間,都幾難搞。記得到埗頭幾日,洗手都還算接受到,係凍啲啫。但係去到洗臉嘅moment(交代吓我不嬲唔慣喺洗手盆放水洗面),扭去熱水會太熱,一秒都唔得,太熱,好喇,扭去凍水嗰邊呢?又會太凍。我記得我當時拎住條毛巾放喺孖左右開弓水龍頭嘅中間呆咗3秒,嘗試了解一下呢孖 #左右開弓水龍頭 設計者嘅心思,咁當然啦,我相信呢一款應該係淘汰款吧?唔爛咪一直用囉,業主角度好合理吖!


呆咗嗰3秒,我覺得,呢個可算是世間上最遙遠嘅距離⋯⋯ 最後,兩害取其輕,只能夠選擇冬天飲雪水。


因為抵埗時正值Lock down,呢一個issue都忍受咗一陣。當然人類係適應嘅動物,問題現在已經以一個靚靚嘅洗面盆「解決」了,惟有咁樣諗啦,唔通傻傻吓走去幫Landlord換咩?


呢個Tiny, mini 到不得了嘅問題,每一日都不斷面對,「冬天飲雪水」嘅能耐有幾大,視乎閣下嘅意志力。瀨嘢後,我嘗試去Rightmove睇盤時(變成娛樂),都會特別留意呢個位,發現面對同一個問題嘅人,應該都仲有嘅,我並不孤單。


新樓盤就一定冇呢個問題,如果租用舊樓,就有1-2成會遇到呢孖咁頂癮嘅水龍頭。

我深深地期望我呢一生唔會再遇上另一孖蠱惑的水龍頭。


*********************************************

如有任何移英等問題,歡迎留言或PM,媽打答到都盡做!

Facebook:https://www.facebook.com/HKmotherfighter2UK

港英匯館網誌:https://www.hongkongers.co.uk/profile/hkmfighter2uk/

新Channel努力開墾中,支持我嘅記得 CLS! https://bit.ly/2WSusjj



*^U^)人(≧V≦*)/ 支持窮媽打,歡迎網上請佢飲杯咖啡:https://www.buymeacoffee.com/HKmotherfighter

*********************************************

#BNO #LOTR #末代港英窮媽打 #英國 #香港人 #移民英國 #Berkshire #移英 #BNOVisa #英國生活

62 次瀏覽0 則留言

最新文章

查看全部