我的 NHS 初體驗(下)

上回提到我會去診所見 GP,前後去左兩次。



—— 第一次——

到埗英國時要去登記你住所附近嘅GP, 我哋呢間由屋企行過去唔駛10分鐘,好方便。 由於而家主要先以電話診症,又或者因為佢stagger 得好好(?),所以成間診所無病人,得我一個,前後15分鐘就搞掂。

醫生病人都要戴口罩,但診所職員無戴🤭。醫生對眼👀望落好親切😂,講野好快,仲要戴住個口罩黎講,我要洗出以前考 listening test 👂🏻👂🏻果種留心去聽😂。驗血報告一切正常,排除左類風濕之類嘅嘢。 醫生就話 very tricky & bizarre (因為佢斷唔到症🤭🤣),無咩特別結論,prescribe 左有微量類固醇嘅藥膏🤷🏻‍♀️。記住醫藥分家,要自己去就近嘅藥房拎,盛惠 £9.15🥴🤑(16歲以下小童免費),兩星期後再覆診。


—— 第二次 —— 兩星期後再去覆診,搽左藥膏唔見有大分別,醫生就話會轉介去皮膚科,睇睇仲有冇其他test 需要做😣,同時亦叫左診所內另一個醫生入嚟睇下,俾second opinion。令醫生們幾難以置信嘅結論係chilblains, 即係凍瘡嘅朋友😅😅😅,佢哋驚訝因為甚少會10月就有凍瘡呀嘛😂😅。 我自己知自己事,我對手又真係一凍左(例如吹左風或洗完手😅)就好耐都唔會暖返,但明明個人唔覺凍架喎🤷🏻‍♀️。醫生話明白香


港氣候同英國好唔同,可能係我身體未適應到,只係冬天都未正式到就咁呀🥶🤦🏻‍♀️

今次得到醫生20分鐘時間,佢仲同我一齊睇下 website 點樣保暖下對手😂😅,都幾搞笑。對手嘅保暖,講黎講去都係戴手襪(mittens more preferred than gloves) 或者用暖蛋。另外,其實有藥食嘅,但醫生話可以的話就唔好食喇,有副作用會頭暈...


我就唔希望再見到佢喇,亦唔想再享用 NHS 服務🤐,而且手腳冰冷嘅問題西醫都幫我唔到啦,唯有飲下紅棗薑水?

#同埋養生#有咩良方呢...

PS 多謝好多唔同人關心我,而家消左腫喇,但之前腫嘅位巢左皮😢,為免連成人都不宜,隻手唔出鏡喇🤗




496 次瀏覽0 則留言

最新文章

查看全部