我的 NHS 初體驗 (上)


黎左兩個幾月,無諗過咁快就去享用 NHS 服務...


話說我10月頭搬返屋企幾日後手指開始生左粒瘡,按落痛架,但我無乜理佢。幾日後同一隻手嘅手指尾關節位都生左粒差唔多嘅瘡喎,諗都無諗過要搵GP,諗住由佢自然好。


之後俾加國朋友醫生WhatsApp 睇症,話似血液循環唔好,係嘅,我係香港都手凍腳凍,唔出奇。跟指示去左藥房買萬能嘅 Ibuprofen,證明左佢唔係萬能,因為食左2-3日一點好轉也沒有。


疫情關係, NHS 有得網上問症,輸入個人資料後 AI 就會俾100九十幾條問題俾你,答到頭都暈後,我嘅問症結果係 inconclusive 。同時就俾你book appointment喇,係電話 appointment 呀。


幾日後GP打黎,鼓勵大家真係要學識少少病名。佢問到我家族病史,由於我係關節位紅腫(無錯,等左幾日就變左紅腫了),佢問我家族有冇類風濕病、痛風之類。好彩我咁啱都聽得明,否則就有少少尷尬。


醫生轉介我去醫院照 x-Ray & 抽血。要自己打電話去book, 今日打去聽日就有位。去到醫院,非常efficient,又照又抽血,45分鐘內完成。~


電話問症時GP已經約左期,兩星期後會面對面見我。唔駛怕因為唔熟路而聽唔切佢講嘅地方及時間,因為所有野都有 SMS 同你確認~


下回再續。






994 次瀏覽0 則留言

最新文章

查看全部