打包。。。個包牙

有唔少朋友知道我窮嗎打已經打咗包(屋企家當),朋友嘅問題如雪花般,喺度諗不如整個搬屋公司F A Q,希望幫到大家


#先自聲明 冇收任何公司廣告錢,亦都未去到最後收貨階段,只可以講係用家分享。


Q:你係咪pack完嘢即刻上機?

打包日因係10月23日,走佬日成係11月20日。公送司話送貨過程要五至七個星期。窮媽打覺得喺香港反而乜都冇都可以生活到。喺嗰邊天寒地凍、又人生路不熟,加上疫情又唔係好OK,都係盡快送咗啲嘢上船,真係喺嗰邊嘅等候時間就唔使咁耐啦。所以而家喺香港嘅屋企係得返啲唔要嘅家俬同埋帶上機嘅細軟。


Q:你用邊間搬屋公司? 我哋都係網上面quote咗幾間,間間報價都其實差唔多,但係老實講報價俾我哋一個月前問已經貴咗好多。有公司解釋,主要係因為啲櫃去咗嗰邊,冇以前咁快過返嚟,所以價錢一定會比做一排貴咗。

最後揀咗Relo Smart,係一間比較唔出名嘅公司,因為多數都係鬼佬客會用佢。


Q:你係咪要叫佢自己攞紙箱嚟先? 本身以為要咁做,後來因為屋企越執越細,個人就越執越Hea,而我要嘅服務其實係包埋執嘢入箱嘅,所以最後決定放軟手腳


Q:係咪要分類入咗箱會好啲? 因為佢哋會因應重量封箱,我反而覺得入咗箱都會unpack, 要睇過晒裏面係乜嘢。咁多一事不如少一事啦⋯⋯


Q: 有咩伏位要注意 有份TOR是要自己申請的,需時都要三、四日至一星期不等,要預下時間去預備。

如果你喺嗰邊係住apartment,一定要講明有樓梯,甚至乎將樓梯嘅相片俾公司睇,如果唔係就可能到時搬上樓嘅時候先有衍生收費。


大多數搬屋公司嘅服務會包埋unpack服務。建議到時一貨到就全部拆箱,一來遲一陣你就唔會拆㗎啦,會擺到天荒地老;另外一個好大嘅原因,係啲紙箱其實你要搵地方丟。嗰邊唔同香港大多數附近屋企樓下都有個垃圾站。


搬屋哥哥通常都會包箱包得好豪,大家明白啦,因為搬屋公司收費係計箱數唔計重量,所以大家都要望實哥哥入箱,如果有虛位就不妨提議入多啲唔重嘅公仔啊、cushion啊,唔好嘥咗啲位。

而家我用呢間公司,97箱連一座企身鋼琴,大概$37000,又唔係好平又唔係好貴啦,我諗... 驚喜嘅係全個過程佢都冇用過保鮮紙綑貨,係用雪梨紙包裝。一來因為佢多鬼佬客,二來係原來佢都係環保公司,所以都係用紙嚟入貨。



今日係12月19日,都未收到貨,窮媽打覺得而家比分間公司都係太早。

身邊唔少朋友都delay再到delay,大家都等到花兒也謝了。啲貨遲就一定㗎喇,希望唔好再節外生枝,咁就飲得杯落了...


大家仲有咩問題可以即管發問,睇吓我解唔解答到。或者大家可以互相交流!


#末代港英窮媽打

Facebook : https://www.facebook.com/HKmotherfighter2UK

#HKmotherfigher2UK#港英

#BNO

#LOTR

58 次瀏覽0 則留言

最新文章

查看全部