新玩具- Meater




好耐冇出post,自從復課之後,時間多咗,不過仲充實咗,因為可以做多D自己想做嘅嘢。天氣日漸和暖,早前種落嘅樹同植物都充滿生氣。每日睇住佢哋長大,又要吼住有冇害蟲,又要除野草,都幾多功夫㗎!通常一出花園,摸吓呢樣,摸吓嗰樣,咁又半日。不過可以出花園曬吓太陽,聽吓雀仔唱歌,真係好舒暢。

除咗園藝,美食當然係我哋好關心嘅項目。英國嘅肉類價格便宜,而且質素不俗。我哋久不久就會買舊肉燒吓,通常係rib eye、燒雞、豬腩或者pork shoulder咁。不過我哋一直都冇meat thermometer,所以每次都係根據重量去計烤焗時間。呢個方法唔係唔得,不過有欠準繩,所以有時都會失手。最近終於的起心肝買咗支Meater,呢支meat thermometer嘅最大特點係可以接駁藍芽或WiFi,用個app就可以睇到舊肉幾時達到理想溫度,非常準確。

有新玩具就梗係即刻試吓啦!第一擊,焗雞,皮脆肉嫩。兩日前再試焗rib eye joint,選擇medium,效果都唔錯。而且唔使估估吓,又唔使攞出攞入檢查舊肉,非常方便。下一個目標就係焗pork shoulder,睇吓可唔可以幫我整到肉汁豐富嘅豬肉啦!

#廚房好幫手 #唔好嘥咗舊肉 #焗衰幾舊肉都喺番度




73 次瀏覽0 則留言

最新文章

查看全部