有幸喺英國境內申請簽證成功之後 BPR (Biometric residence permits) 係會經速遞公司寄俾你 But.......

話說屋企人申請嘅 Dependent Visa,經過重重難關以及無限嘅電郵回覆等待,本來八個星期搞掂嘅事情而家等咗 10 個月,終於收到封電郵話申請成功。


收到個電郵唔好以為咁順利,英國所有嘅步驟都可以變得好複雜。話說呢10個月裏面申請期間有搬屋,新嘅地址神早已經喺佢哋嘅系統裏面更新咗 www.gov.uk/change-circumstances-visa-brp ,另外亦有發電郵俾 Home Office 負責嘅人員通知佢哋改地址嘅事。


意見接受方法照舊,佢哋繼續沿用舊有嘅資料去做。收到速遞公司嘅電郵話會寄去舊地址,仲話隔一日就送到,如果你咁唔好彩遇到同樣情況,你要立刻採取行動。



雖然佢哋話寄 BRP 係要簽收,鬚花 2 次都未經歷過,2次都係直接揼入大門嗰個郵箱算數。所以如果係寄咗去舊地址嘅話,你可以喺佢送貨之後 n+1 個禮拜再覆返佢哋話收唔到,跟住再延續呢個遊戲。



緊記用以下方法


首先上返去速遞公司個網頁睇返個郵遞地址有冇錯先

**輸入嘅時候記得留返個空格**

**如果你輸入錯誤嘅話,要 F5 之後再次輸入先得,否則 Error**




發現真係錯咗嘅話,立即將件速遞改期,最少兩個禮拜

好得閒嘅話就可以打電話上去速遞公司同佢講返呢個問題,我對上打過兩次電話每次等咗三個鐘都冇人聽。結果我發咗個電郵過去提出呢個問題,等咗兩個星期覆返我佢哋會跟進。






同一時間你要聯絡 Home Office ,最好經電郵直接聯絡Case Worker,如果唔知嘅話就打中央熱線等佢開個File俾你 www.gov.uk/contact-ukvi-inside-outside-uk,快則一兩個星期有回覆。

同樣嘅步驟你有興趣就每星期做一次,唔急嘅咪慢慢等吓囉。


如果速遞公司收到 Home Office 嘅指示嘅話其實好快搞掂。

唔知今次我要等幾多個禮拜呢。


去我個FB Blog #Prefercountryside https://bit.ly/3mCLpto

#BNOVISA

#BNO

#BRP

261 次瀏覽0 則留言

最新文章

查看全部