移民大作戰(一)之 申請 visa


既然決定移民,就事不宜遲開始籌備。我哋係2018年11月決定,考慮到太郎嘅學業銜接同埋適應,我哋希望可以2019暑假land英國。時間上算係緊迫,不過既然想咁咪盡做囉!因為豬肉媽係居英權二代,所以可以用family visa申請豬肉爸同二郎過去。上網爬文同去home office網頁睇過,發現申請看似簡單,但仍有好多人被不同理由拒絕申請。即使只係交漏少少嘢或者蓋漏一個印,成份申請都會被拒絕,唔會有補交嘅機會。雖然被拒後可以重新申請,而且每次申請都係獨立處理,但每次申請費每位盛惠一萬五千幾。稍一不慎,四萬幾蚊跌落咸水海不突止,仲要浪費時間從頭申請過。所以我哋最後都係搵agent幫手,希望可以順順利利。咁當然過程中都有勞氣嘅地方啦,不過最終都趕得切攞visa。經此一役,更覺得溝通同期望管理真係好重要。

準備申請文件其實一D都唔複雜,不過就好巨細無遺,攪到好煩。例如即使有結婚證書,都仍要將咸豐年嘅拍拖相、多年來嘅通訊print out遞交。Financial proof就仲煩,又要證明存有至少半年,statement又要蓋印,來回銀行都唔知幾多次。結果交去申請嘅文件有3吋厚,真係唔講得笑。

#求你講清楚 #煩死人 #好多proof

59 次瀏覽0 則留言

最新文章

查看全部