移民搬屋最緊要係乜?按摩椅同埋副麻雀冇爛囉

已更新:4月 30


嚟咗英國咁耐,聖誕節終於的起心肝將最後嗰啲雜物寄埋過嚟。當時喺市面上搵到嗰幾間大嘅搬屋公司,我都冇幫襯,相反幫襯咗一間新開嘅。因為我相信一間新開嘅搬屋公司佢哋一開始一定要做好個品牌,深信唔會寄到最後唔見咗幾箱。


雖然我由頭到尾都係英國,揀呢一間搬屋公司都搵到一個香港人幫我由頭跟到尾,所有喺香港上門畀紙箱&收貨所有嘅程序都係遙遠控制。


執嘢過程中,最困難係要處理張按摩椅。同佢哋傾完之後最後將張按摩椅肢解,隻腳位必須要分開擺上個座位上面,咁先可以減低搬運時間對佢嘅傷害,另外拆散幫佢加強鞏固亦比較容易。原先我心估計都要兩板先運得曬,點知佢哋收到貨之後好努力咁同我砌靚佢,結果一版搞掂,真係幫我慳得一蚊得一蚊。






其實嗰段時間佢哋搵貨櫃都已經好麻煩,估唔到佢咁都搵到,仲可以避開長榮貨船堵塞海路,仲要咁啱夾好今日陽光普照天氣回暖先送到我度,正正正。


因為我選擇 door to door,本地嘅送貨公司成板擺咗喺門口就可以撇。拆禮物嗰陣時就知道佢哋幾花心機幫我包好啲貨物。到最後發覺香港郵政局嗰啲紙箱真係好襟用。

大家搬嘢入屋之前記得將間屋啲地氈保護好,啲貨物長途跋涉表面一定好污糟


價錢 《=》時間《=》質素

上面呢個鐵三角究竟你會揀邊幾樣?




facebook.com/hkjpmover/

#hkjpmover #Prefercountryside

659 次瀏覽2 則留言

最新文章

查看全部