種bare root 植物

早前買咗一種花叫Japanese Anemone, 應該都訂咗有半年,尋日終於送黎啦!可惜又係一個陰暗微雨嘅下午,於是今朝先正式將佢種入泥土。


呢種花好靚,夏末至秋天開花,好童畫嘅感覺。我買呢款係bare root plants,即係你收到嘅植物只會有一堆根😁,當然價錢亦會比已經長成一盆盆花平一截。平時呢種花一盆約要£13,我今次買咗三棵唔同色嘅都只係一共£11😅,不過長大就要時間啦!


Garden Centre 通常都會到適合種植嘅時間先會發貨,所以唔駛擔心錯過咗季節。收到嘅bare root plants 會係一包包用膠袋封好有泥包住嘅根。尋晚唔想開工住,所以我就直接用水浸住啲根一晚。如果唔想浸水,臨時用泥土堆實淋下水都可以的。


今朝好難得有太陽,馬上就做嘢💪🏻。沾滿泥嘅根經水洗洗 ,結構就好清晰,尋日收到時真係睇唔透邊邊係上面,邊邊係下面,好彩冇衝動亂嚟🙊。


基本上要做嘅嘢就係將佢埋喺已預備好嘅flower bed 入面,挖癃,埋好,最後放多層mulch 。埋好後稍微踩實周邊嘅泥,淋埋水就完成啦!😎


順帶一提,有時經過鄰居花園見到好靚嘅植物,又好有興趣想種可以點做呢?不妨影低佢,有好多電話apps 都可以憑張相分辨植物嘅。知道後再google 瞭解下,適合就可以上網買了😊。


網上圖片



Bare root plant





64 次瀏覽0 則留言

最新文章

查看全部