自己咖啡 自己沖

一手一腳沖一杯即磨咖啡有幾多嘅學問? 由零開始要咩準備,又要練幾耐時間呢? . 近來越嚟越多到咗英國朋友都分享自己煮撚手廚藝,百般武藝各施所長。反映出大家係英國真正活出生活,有時間自己煮自己食真係慳錢又滿足。試問自己係香港放得工嚟仲邊有心力去煮飯呢?仲有係尼到會發現更多嘅樂趣,就好似我哋上年係到出過一篇「英國雞蛋不用雪?」當時仲未有而家咁多港人已經係英國,都引來一時嘅討論。大大聲話你哋知啦喂,我哋到而家都係無雪啲蛋放係室溫,今時今日我哋兩公婆仲係生生猛猛係到喔!所以話呢,尼到嘅食材幾咁新鮮,有佢嘅監管制度。肉類規管無激素,等我哋食用就安心啦,唔係下下話安心出行就代表安心嘅。 . . 入返正題,開心見到好多朋友都分享自己食譜,我個中女老婆未到佢嘅大作,都唔敢獻醜出招分享住嘅。反而影相佬我就未見有邊個講下飲咖啡呢,咁我就想係到分享下較少人講嘅嘢先啦。都話咗係英國就梗係要享受生活㗎啦,係香港要喝杯咖啡唔係速沖杯即溶,就落街買杯即磨算吧啦。我仲係香港時候一來都已經飲開即磨,唔會再飲即溶三合一。黎到英國落街未去到精品咖啡店級數,只係普通連鎖店都起碼賣£3以上一杯啦,而家黎到又有時間咪上網睇下啲咖啡機囉,點知咁就中咗毒,毒性就係咁開始發生... . . 當時心諗不如一係唔買,要買就搵部好啲啦,咁就開始去睇(beans to cup)即磨豆咖啡機類型。搵搵下大家要知係舖頭見大大部商用嗰啲,坐底無10萬8萬港紙都唔洗諗囉。係香港屋企就更加無位比我放,雖然尼到大地方啲姐,但又未至於大膽到去分薄中女廚神咁多空間嘅(唔好打頭)。咁跟住又比我搵到一個英國家用電器牌子,佢都有出家用即磨咖啡機喎,雖然係我心目中都叫貴,但對比商用已經平好多。牌子叫做Sage其實係一家澳洲牌子Breville嘅英國線,實情係我無收佢錢要幫佢大力賣廣告啦,如果有朋友有興趣可以再問我啦。咁我就用咗1-2個月時間去慢慢研究下,睇下啲人比嘅評語,話晒自己唔識又未用過嘛,都算無乜好大差評咁啦。睇到去差唔多上年11月左右,又比我睇到英國好興做嘅Black Friday勁減優惠,計下真係減咗有成£100都幾咁多。我無記錯好似仲有Cash back, 咁我就衝倒去同中女老婆申請,話我可以沖咖啡比妳飲啦,唔係又點特快成功批核噃。 . . 事情到而家都已經成4個幾月啦,點解我而家先攞返出黎講姐,其實唔係我懶囉,如果我連自己都失敗未沖得出咁上下,我又邊好意思咁𤓓攞出黎分享呀。身為一個有要求影相佬,相影唔好,設計做唔好,咖啡沖唔好又點敢攞出黎分享呢。不過講真我對使用即磨機由零知識開始,一直只係自己上下網上下youtube睇片自學,真心比我想像中高深學問,難學難精。我覺得每個程序步驟有少少變動,就已經可以影響成件事唔同晒㗎啦。不專業的我要先學由調較部機操作,揀豆、磨豆、份量、水溫、壓力、時間....仲未講揀奶打泡拉花,已經夠我學我嘅餘生! . . 至於影相佬係點開始我嘅自沖生涯呢?由於我尼個序太X多口水,我怕悶親大家喇,咁我分開留返下一篇再分享啦!續... . PS. 尋日出咗街無自己沖啡,同中女夾硬去Caffè Nxxx買杯Latte頂住引先,中女一飲大叫「嘩,咁難飲嘅!」我就話我平時沖開比妳,妳飲慣好嘢返唔到轉頭啦「哈哈哈!」

#每年記得等BlackFriday先衝去買電器 #買任何嘢都記得去睇下有無CashBack https://www.topcashback.co.uk/ref/trueanuk _________________ 影相佬@ http://bit.ly/hkerintheuk_ig _________________ MEWE: http://mewe.com/join/hkerintheuk BLOG: http://bit.ly/hkerintheuk_blog

#英國 #香港人 #逃離舒適圈 #尋找自由地 #為生活而活 #重新活過 #我不是移民 #只是闖闖 #終點只是另一起點 #機會留給有準備的人 #港人鏡頭在英國 #攝出另一天地 #有目標不做咸魚 #hkerintheuk #BNO #LOTR #BNOVISA #hkstyle #daretodream #dreamyourdream #whynottochange #nothingimpossible #wearehkers #beanstocup #expresso #sagecoffee #coffeemachine #espressomachin

45 次瀏覽0 則留言

最新文章

查看全部