與電訊供應商分手


如果你想帶電話號碼轉台,有個好簡單方法,只要發短訊 “pac “ 三個字去65075,你嘅電訊商就會喺1分鐘內回覆個pac code 俾你。你然後交個pac code 俾新公司就攪掂,過程相當方便😊。

呢個規例喺2019年7月已開始實施,唔係咩新嘢,不過諗起可能未必人人知,所以不如寫下。呢邊同電訊供應商交涉可以係件好痛苦嘅事,因為佢哋可以講一套做一套,唔好彩嘅話少少事都可以蹉跎好耐,所以呢個服務係非常之有用。


舊年我哋轉寬頻公司,原本以為好簡單,但V 記停咗我哋服務後仍繼續收錢。我哋發現後就打返去要求退錢,每次佢都會好合作咁退錢,並承諾下期唔會再發生,但最可怕嘅事係月復月仍然依舊,錢仍然照扣。而每次我哋都要打返去同唔同人重複一樣嘅故事,收線時你總會以為今次係最後一次,不過仍然係悲劇重演,你的命中命中... 最後用咗整整一年,係一年🤯,我哋先分手成功,當中都有補償但過程真係爆血管。

講番帶電話轉台,你仍然可以選擇舊方法打返去你嘅電訊供應商要求個pac code。不過新方法就勝在唔駛打電話,因為打電話你唔會知中間仲要轉幾多次線,又唔會知佢哋仲會 sell 你啲乜乜物,但txt 就可以即時辦妥,如果大家有需要記得要試下!


https://www.ofcom.org.uk/about-ofcom/latest/features-and-news/text-to-switch-simple-to-switch-mobile-network

PAC Code 係乜?

https://paccodes.co.uk

237 次瀏覽1 則留言

最新文章

查看全部