〖英國平民級百貨公司〗

講起百貨公司,香港有好多:SOGO、永安、AEON等等。當然英國亦都有好多類似嘅:Harrods、Liberty、John Lewis、Mark & Spencer等等,不過呢啲都係一啲貴價少少嘅百貨公司,今日我想同大家介紹一間價錢貼地得嚟又多元化多選擇嘅「百貨公司」 – The Range。The Range係英國同愛爾蘭一共有160間分店,係一間多元化多種類嘅零售商,佢多數賣銷售家庭生活小品、廚具、花園、休閒類別的產品,文具畫具都有㗎,好多種類。 ・ 呢排節日氣氛好濃厚,Halloween之後就係Christmas,一個接一個,英國人民上上下下都紛紛外出搜集裝飾品佈置家居, 再加上我就嚟搬屋,想為新居添購一啲storage傢具,所以決定去The Range行一轉。入面真係包羅萬有,小至文具畫筆相架,大至傢俬電視櫃梳化,乜都有,加上就嚟聖誕節,店內有好多聖誕裝飾賣。 ・ 原本我哋都無諗住買咁多野,但係行行吓睇睇吓,「呢樣係Amazon mark低咗想買好耐㗎!呢到平好多喎!」「呢樣好抵呀!買返去可以咁樣咁樣放~」「買棵聖誕樹返去擺吓囉不如」。就係咁,呢到拎啲果到拎啲,買到左手一箱、右手一盒、仲拖住㗎滿哂嘅車仔……哈哈 (最尾果張相) 我哋仲見到啲電視櫃好靚好多款式,後悔緊早知唔係IKEA買啦,哈哈。 ・ 因為車尾箱空位有限,所以我哋今次就此打住!唔好以為我哋就咁就買完呀!未完㗎!下次再戰過!(雖然唔知個「下次」係幾時,因為而家又再次lockdown喇) ・ 希望大家鍾意我今次嘅分享啦~





128 次瀏覽1 則留言

最新文章

查看全部