〖🇬🇧英國疫情下的迷你聖誕市集〗

前兩日去(驚人地)食完9個餸之後,去咗散步消化下果7個月大嘅肚腩~見到Southampton呢到有個迷你聖誕市集仔~果陣佢哋都差唔多收檔,所以我哋拿拿聲行過去睇吓有咩攤位喇~

雖然攤位就真係唔太多,得4-5間左右,有一間賣吓手作品、有一間賣吓熱辣辣嘅紅酒Mulled wine、亦有一間係賣緊德國腸仔,算係一個迷你嘅聖誕市集。不過,我見到超級好開心!🥳因為終於都有返啲英國聖誕氣氛!我一開心就有個壞習慣,就會跳「開心舞」,(唔係「做緊成龍果陣就係夜晚」果款呀吓😂) 係會左右輕微搖晃下咁,當時有位攤位老闆娘嘅太太見到我跳呢個輕微版開心舞之後,佢會心微笑咗出嚟~(係呀佢無帶口罩呀,仲帶我好肯定佢係因為有人覺得開心所以佢笑,而唔係笑我🤣)我哋睇咗一陣,期間都有啲當地人行過嚟吹吓水,買吓腸食,成件事我覺得好warm好溫馨 💕 配埋後面棵聖誕樹🎄,有少少滿足咗我今年想行聖誕市集嘅心願~💛


今年雖然同往年好唔同,咩都唔肯定咩都唔同哂,schedule book上面plan好咗嘅schedule都全部刪走哂。不過正所謂「明天會更好」,雖然唔會咁快明天就會好返哂,但係我就希望「明年會更好」喇!🤞🏻

———————————————————————————————————————————————— 🔻瀏覽更多英國資訊🔻 instagram @jessica_uklife: https://instagram.com/jessica_uklife YouTube @Jessica_UKLife : https://www.youtube.com/c/JessicaUKLife Facebook @Jessica_UKLife: https://www.facebook.com/jessica.uklife MeWe @Jessica_UKLife: https://mewe.com/i/jessicauklife ★港英匯館 Blog ★ https://www.hongkongers.co.uk/profile/jessicauklife 回顧 ☆Jessica_UKLife☆其他文章: https://www.facebook.com/109122070867681/posts/156494026130485/?d=n ———————————————————————————————————————————————— #英國 #英國日常 #英國生活 #英國移民 #移居英國 #居英生活 #BNO #BNO平權 #BNOVisa #UnitedKingdom #UK #HK #HongKong #HomeKong #UKlife #Portsmouth #UKDaily #daily #wifeylifeinUK #blogger #ukblogger #hkblogger #Jessica_UKLife #聖誕市集 #英國聖誕市集 #德國市場

33 次瀏覽0 則留言

最新文章

查看全部