英國返學日常

返咗一個月學有多,呢位reception小朋友每日放學都同我哋分享佢每一日嘅best friend係邊個、star of the day係邊個⋯英文口音正宗過我同佢爸爸好多


英國嘅小朋友真係好幸福,所有政策都好照顧佢哋,好kids-friendly。5歲以下小朋友學校每日都會提供免費牛奶俾佢哋飲 (5歲後要俾錢不過都只係每日港幣唔使$3) 因為係state school,學校亦都有免費午餐、同埋2餐小食,懶媽媽我唔駛好似以前日日頭都爆去諗聽日snack box俾佢帶咩返學食!佢話好食喎,通常都會食晒啲嘢(佢話)但每日三點放學就會餓鬼上身,話返屋企要「食啲嘢」 返學真係好攰 通常食兩塊餅乾,然後就等食晚餐,每一日都好routine~而每逢星期五嘅lunch學校一定係食炸魚薯條~佢每星期都好期待!


一路以來,我哋認識香港嘅學校校長,總會表現得好威嚴,總之一定係做壞事就要去見校長!但係呢度嘅校長(其實以前香港嘅ICHK都係)校長每朝會喺操場迎接佢哋返學,同佢地傾偈,做得好會獲得校長讚賞,做得唔好就會鼓勵做好啲。小朋友長大後會擁有正面態度定負面態度,其實都好取決於大人由細到大點樣對佢。


放學當然冇功課,每一日就係睇書、睇書、同埋睇書!博博鍾意睇書,睇得耐就開始想寫字,日日攞張字主動寫呢樣果樣,雖然啲字核核突突,但練下練下已經識寫唔少~ 仲有佢係忠實嘅周杰倫fans 佢會學寫周杰倫嘅歌名,練中文字。所以其實只要有興趣,冇壓力,唔使威逼利誘都達到同樣做功課嘅效果。


返學係冇得戴口罩,作為家長真係要有好強大嘅心理準備。但學校其實做得好好,而家所有老師都會戴face shield,又會form bubble group,出入又係one way system,所以都唔係冇做嘢


圖片係每朝佳之都會喺窗邊送我哋出門口


- - - - - - - - - -

Follow to stay tuned ❤️❤️

Facebook : https://www.facebook.com/ukbossmama

Instagram : https://www.instagram.com/rachelwmt/

58 次瀏覽0 則留言

最新文章

查看全部