英國 Catchment Area 的迷思,插班編

上個月係FB寫好嘅呢一篇文, 原來未擺過嚟呢邊.....有用嘅兩邊都要放




的確,英國好多地區都有用 catchment area,但係都有啲區域係唔會用嘅,例如我而家住緊嘅 Lincolnshire 就係其中一個唔用 catchment area 嘅地區啦。


大家需要明白到校網只不過係其中一項派位嘅參考資料,而每個地區政府,甚至每一間學校都會有佢哋自己嘅派位準則,如果係統一派位嘅話就必須要去學校嘅網頁了解清楚。有個別 council 同我講過,有陣時就算住喺學校隔離嘅學生,都機會被派到去該校網以外嘅學校。

反而插班嘅朋友就未必須要諗呢個問題,因為重點係你想插個班有無位。除咗 Leeds 政府每兩個禮拜會更新一次區內學校每一個年級嘅整餘學額之外 (https://www.leeds.gov.uk/....../primary-schools-with...... ),暫時未見到其他地區政府有同類型嘅資料提供。所以你哋大多數都要直接聯絡學校。緊記,除咗電郵之外,其實喺facebook度聯絡佢哋都係一個好方便嘅方法,我幫阿仔搵學校都係經facebook 發信息問學校,電郵係完全冇回音。


雖然話係住得越近,機會越大,但係插班嚟講未必太啱用。因為插班申請好多時都可以揀其他校網嘅學校,outstanding 嘅學校好多時都係冇位或者超額收生。與其搏住喺一間 outstanding 嘅學校隔離,但係有機會派去比較差嘅學校嚟講,選擇住喺幾間附近都係 Good 嘅學校中間會唔會好啲呢 ?


如果真係要睇 catchment area,必定!必定!必定!要上 council 官方網頁上面睇,無論佢有網上地圖嘅方式顯示,或者pdf一張紙咁顯示,都一定會係最準確同埋最新。 之前介紹過個網頁 (British School Portal),佢哋冇好似其他網頁咁樣顯示個 catchment area 出嚟,係因為好多個 council 都唔會放呢啲資料出嚟。就算放出嚟都好,都一定唔會有官方網頁咁新同埋準確。其他要課金嘅網頁,你睇清楚佢啲細節,佢哋係用過往成功收生學生 post code 距離去圖畫呢個圓形出嚟。


冇錯,為咗小朋友嘅學習機會而過嚟嘅你哋,係真係會有好多問題要喺短時間裏面解決。例如同人爭機票,爭租盤,爭買二手車,爭小朋友學位。


無限嘅問題,有無限嘅方法去解決,不過機會唔會等你


英國,真係踢波先嚟落雨㗎





如果要搵英國學校嘅資料就可以去 British School Portal

輸入地址,撳個搜尋制就會顯示晒附近嘅學校出嚟

中文版 https://bit.ly/2Voop5j

英文版 https://bit.ly/3mlA6G5




www.facebook.com/Prefercountryside #英國升學 #英國幼稚園 #英國小學 #英國中學

256 次瀏覽0 則留言