講下我住嘅區😁

通常我都唔會特別介紹人去我呢區 Ruislip,當初我哋揀呢度係就爸爸去Canary Wharf 返工,雖然同工作地點唔近,但係始終大倫敦區內,路程都尚可接受。不過隨著wfh 變成新常態,我自己都說服唔到自己天大地大做乜住呢度,又何況其他人😂😂。


想住倫敦嘅人應該會嫌我呢度遠(大倫敦西北zone 6),唔怕遠嘅人又會一早揀更遠嘅Bristol,Reading,Kent呢啲。鍾意country feel 就更加大把選擇如Buckinghamshire,Surrey ,Somerset,Cambridge等,我呢邊仲要冇grammar school😅。


不過而家住落一段時間又有唔同想法,呢區優勝之處係位於大倫敦suburb 地帶,環境比較清幽唔會屋貼屋,樓價又負擔到。尤其當已經接受咗中學唔報grammar school後,兩位小姐到時自己搭巴士去附近返學都唔錯呀。


英國的確好多如詩如畫嘅郊區,我都有非常欣賞嘅地方,不過係咪鍾意到要住喺入面呢?我又唔知喎🤔。


我骨子裡都係個城市人,而家揸半個鐘行A40可直入到倫敦中心,唔好笑我,有時真係想食下魚生壽司,正常時期又可以飲下茶,去博物館,去睇唔同展覽,即使唔揸車都仲有三條地鐵線可揀,有時又可以去日本髪型屋剪下個頭(雖然已經大半年無去,但選擇唔去同冇選擇係兩回事嘛😅)。


另外大倫敦區人種較多元化,兩位小姐好朋友有本地人,猶太人,德國人,毛里裘斯人,巴基斯坦人,仲識得有個印度家長細個時住過香港添,鄰居有波蘭人,日本人同俄羅斯人。我自己就覺得多元化幾好,有時清一式太白可能都有d無形壓力。


去近郊的話,揸十分鐘就可上M40 公路,去Marlow (半小時),Oxford(1小時),揸三十分鐘就到Heathrow,向南就揸大約四十分鐘到Surrey,牌面都唔差吧😅。


相信大家揀邊樹住都各有原因,荷包同條件亦人人唔同。其實聽到有朋友過黎已經好開心,雖然大家住唔同區,總有機會安排聚會掛!不過近啲就當然更加好,今日就請容許我賣花讚花香,我呢邊係大倫敦西北Ruislip, 當然入面都會有好啲地段同差啲嘅地段,另外附近Ickenham 同Eastcote 都唔錯,適合家庭居住! 😁




粗略參考:

三房semi detached入門約£500k-£600k(貼近£500k或以下預咗要大執),高質素啲或做咗extension 嘅大約£600k-£800k

Detached 三房大約£600k-£1000k, 視乎返地段同屋嘅情況

269 次瀏覽1 則留言

最新文章

查看全部