轉Bno Visa續簽

已更新:2月 27

Bno Visa我都有份玩,簡直玩殘。不過我係屬於住咗一排而要轉簽嘅申請者,所以同大部份申請人情況又唔同。


我本身用spouse visa,呢段時間係續簽第二個2.5年嘅日子,咁啱又係萬眾期待嘅bno visa 手機apps 出台,簽證平,手續簡單,最重要係轉簽年期唔需要重新起跳,所以就決定一試。


星期二晚小朋友瞓咗覺,資料準備妥當,就開壇啦。一切都比想像順利,scan chip , 電話確認等,全部秒速反應。直到最後,俾完哂錢,發現係冇upload evidence 嗰製😥,呢刻血壓開始飈升。


續簽嘅人由於已住咗一排,係唔需要financial proof 同TB test,但全份表格仲有咁多資料,住址呢?旅遊記錄?香港ID 呢?只要經歷過申請spouse visa 反複手續都好難接受唔駛交文件🤯。況且唔係話唔駛交,佢係冇個製。


好徬徨,四出喺唔同地方留言,不過大家都冇同樣問題,人人都up 到😓。第二日下午,終於遇到幾個情況一樣係轉簽嘅人,一樣都係upload唔到文件,咁知道唔止自己一個都安樂啲。


我其實影相都出咗問題,背景應該淨色但我冇留意影到部份屋企。我打咗去HO 問咁情況好唔好withdraw/refund, 不過職員話如有問題會有人聯絡,另外關於upload 唔到文件都一樣,如有問題會有人聯絡,再問深入啲就俾咗另一電話耍走咗我啦,電話按完叫send email🤷🏻‍♀️。


思前想後我都跟大隊,乜文件都冇up 而submit 咗,至於夠竟係真唔駛upload 定係網頁上嘅bug 就無從得知。唯有靜待消息,留意電話啦🤞🏻。大家好運!





667 次瀏覽1 則留言

最新文章

查看全部