£5 不到的食材,食出HKD500的感覺!

£5 不到的食材,食出HKD500的感覺!(係英國都食到聖誕buffet Cheese & Ham Platter!)



今個 post 承上一次開超級市場Card,想同大家介紹一吓呢一個月多行超市嘅見聞。




窮花打係一個食物專才,所以嚟到英國之後嘅膳食都係佢負責,屋企裡面我主要只係負責洗碗嗰(冇錯,係傳說中由一個靠工人姐姐嘅廢人,變回一個正常人)。



如果係「來佬」入嘅食物,用蕃茄嚟作比喻啦,如果係同樣入口歐洲嘅茄,慳了一大截運費,唔駛講都會知英國呢邊買,一定會比香港平接近一半(睇怕你唔會想喺呢邊再食難食到暈嘅大陸蕃茄吧?真係唔同味㗎喎!)



好喇,到英國名物---薯仔,當然係又平又靚啦,係唔壞就好食嘅程度(所以英國不嬲就唔俾入口外國品種薯仔,因為驚搞亂英國薯仔嘅種)然而,薯仔食家就會知道,薯仔其實係有唔同嘅品種嘅,Albert Bartlett 就係一個較出名嘅薯仔種 (係Albert Bartlett 呢位為仁兄培植出嚟嘅,因此命名),包裝袋會大大隻字寫出嚟,下次大家就識買好嘢食;而衍生產品薯條呢,若然係呢一個品種,大家係包裝袋亦都會見到呢個名;另外Maris Piper呢個品種亦都值得大家留意。


價錢比較明顯平嘅,即席訪問咗窮花打,佢就話芝士一定要同大家介紹。識食芝士嘅人大有人在,窮媽打唔喺度班門弄斧了。但係俾個概念大家,香港食芝士 Cottage Cheese,Cheddar Cheese,Mozzarella Cheese,Brie Cheese(即係我剛剛呢一餐呢幅相呢個),咁如果想食得靚,其實一啲都唔平,但係呢度食芝士係平香港好多,好鮮!可謂係愛芝士人士嘅佳音!



牛肉Augus嗰啲平就一定係。另外英國另外一樣名物 Gammon Ham(中文譯做「金門火腿」)也不容錯過,今晚我哋會食佢做平安夜嘅晚餐。



牛奶亦都係唔少在英人士嘅推介item,我有朋友話飲奶平過飲水。牛奶嘅個蓋有分藍、綠、紅三隻色,分別為全脂/半脂/脫脂,下次去超市可以同大家再介紹。



#末代港英窮媽打

Facebook : https://www.facebook.com/HKmotherfighter2UK

#HKmotherfigher2UK#港英

#BNO

#LOTR

25 次瀏覽0 則留言

最新文章

查看全部