英國考車

相信好多人都十五十六緊,到底係英國考車好呀,定係係香港考咗先?

小妹我自己過嚟英國之前都有咁諗過,但係今年因為武肺,令到好多嘢都比之前更難決定。加上英國同香港嘅交通情況又唔太一樣((英國嘅長路真係會有馬行㗎。所以最後決定都係嚟到慢慢學好過啦~

小妹我一開始睇到話要住滿185日先可以申請provisional license又有啲卻步,但未試過又唔想就咁罷休喎。於是就照去申請啦。俾咗£34,寄返張form比佢,前前後後大概兩個禮拜左右,小妹我就正式成為learning driver 了!😝😝

講返個流程先。首先上佢個網,填好個人資料(小妹我係用BNO去申請嘅,所以就唔洗寄本護照比佢,如果用特區就要啦,因為BNO係直接由HMPO發出嘅)


1. 網上申請,用信用卡交£34

https://www.gov.uk/apply-first-provisional-driving-licence

入到去一般都係填返名,出生日期,同埋最近三年住過嘅地址,好似小妹我咁就填咗英國地址,同埋香港。佢第二個地址果欄只要填返你個國家名就得。之後confirm你啲資料冇錯,就會叫你比錢㗎啦!🥰


2.大概一星期後,你會收到張表叫你貼相同埋填多次你嘅個人資料,寄返比佢。再大個一個禮拜鬆啲就會收到你張provisional driving license㗎啦~

3.預約Theory Test (筆試),費用£23

https://www.gov.uk/book-theory-test

成功拎咗張provisional license你就可以上返依個網去預約筆試啦。你可以用post code 嚟揾返最近你屋企嘅考場。


同時,拎咗provisional license就代表你可以學車啦,你可以選擇揾一個已經有正式車牌三年或以上嘅朋友去教你但係你就要預先買咗保險,或者可以去揾私人師傅去教,比較出名嘅有AA/Red,如果想平啲又唔怕中伏嘅風險比較大可以去Facebook marketplace/ gumtree( 類似香港嘅carousell)都有㗎!🥰🥰


小妹我今日就分享住咁多先啦,希望大家都順利啦~


p.s小妹我戴返個頭盔先,的確官方係寫明要185日先申請得,所以大家只能試下,並冇擔保100%㗎😉😉




1624 次瀏覽2 則留言

最新文章

查看全部