雷丁資料

已更新:2020年10月25日


大家好,多謝你哋嘅留言。呢兩日掛住睇新聞,未有回覆大家嘅comment,唔好意思。總括而言,我相信大家最關心雷丁嘅有以下幾項:


* 住屋 * 治安/歧視 * 教育/學校 * 就業/工作


關於住屋/心水地區:

雷丁都係一個面積唔細嘅城市,大概有61平方公里,同九龍嘅47平方公里比大少少。 但人口就只有23萬,比沙田嘅60幾萬仲要少。大家可以想像人口同面積嘅比例大概係點樣。

每個家庭嘅預算,要求同喜好都唔同,我就揀咗以下三個我比較喜歡嘅雷丁地區畀大家參考下:

Sonning::傳統靚區,名人大宅都搵到 Early: 生活所需一應俱全,交通便利 Twyford: 火車站旁,診所,超級市場,郵局,圖書館,咫尺之間


關於樓價同住屋成本,雷丁係一個中上嘅區域,雖然冇倫敦咁貴,但係都唔會搵到太平嘅樓,大家有心理準備。

關於治安/歧視:

我覺得成個Reading都幾安全, 雖然之前有恐襲案件,但係相信都係單一事件,同日常Reading嘅治安情況拉不上關系。大部分嘅人係路上都非常友善,可能因為生活冇咁繁忙, 面容都幾輕鬆自在。本地人都幾包容唔同膚色唔同國籍嘅朋友, 只需要唔好做出一啲"面斥不雅"嘅行為,我相信歧視問題係唔會見到嘅。


關於教育/學校:

Reading University都幾有名,通常都喺Sky News見到佢哋嘅教授講關於武漢肺炎嘅情況。 都係嗰句,每個家庭,小朋友嘅性格本質同要求都唔同。如果有機會Interview嘅話, 咪睇下間大學啱唔啱自己囉。關於中小學,私校同State School, 雷丁嘅學校普遍嚟講都不錯, 評分都唔低,當然要睇下個別細區啦。Grammar School都有,不過就唔係我小朋友杯茶啦。

關於就業/工作

雷丁位於M4旁,有英國矽谷之稱。近年有不少英國嘅大企業都係呢度Set up back office。Opening嘅數量應該唔錯。亦因為有人流嘅緣故,所以喺度創業做下小生意,我相信都有不錯嘅回報。當然因為武漢肺炎肆虐,全英國甚至全球經濟都受到影響,呢一點大家就要留意下啦。


以上純屬個人觀點,絕對代表本Page立場,不喜者請移玉步!


#英國

395 次瀏覽2 則留言

最新文章

查看全部