豬肉園

雖然已經裝修完畢,但係都唔代表我哋可以停落嚟。因為屋內完成之後,又有美化豬肉園工程。舊屋主喺呢間屋住咗33年,喺花園種咗唔少樹。原有嘅植物其實冇乜問題,只係唔太合我心水,同埋有部份已經有疲態。豬肉媽喺香港都有皮毛園藝知識,嚟到英國就努力學習實踐。經過差不多成年嘅觀摩、了解,終於選擇咗要種嘅植物。搵過園藝公司報價,結果因為太貴 (其實預咗),所以決定自己搞。




玫瑰係其中一種我喜愛嘅花,嚟到呢度就更加要種啦!英國有好多玫瑰品種,而且唔難種 (聽人講) ,所以我想種多D,等豬肉園又靚又香。玫瑰中嘅名牌,非David Austin莫屬。上佢個網睇,真係花多眼亂。於是我買咗11棵bare root,即係淨係得根嘅。通常冬季都係種呢D,等佢哋春天瞓醒就會生長。

訂完之後,幾日就送到。因為要盡快落地,今日就種好佢。又要掘地,又要撈泥。由天光攪到天黑 (即係4點幾啫),終於攪掂。然後發現自己條腰已經好似斷咗咁,成個人變咗癱己。玫瑰呀玫瑰,你哋要生生性性呀!



#Gardening #買咗人名玫瑰 #仲有幾棵樹嚟緊

202 次瀏覽0 則留言

最新文章

查看全部