CV 求淑女,湯求職文

最近阿湯忙什麼?搵工也。搵工忙嗎?不忙。湯生貴姓呀?你噏緊乜?!荒也。

英國搵工,大小搵工網林立,cwjobs, totaljobs, indeed, monster…(下刪數x個),當然仲有老大哥LinkedIn。點搵?你想點搵就點搵,這裡工種比香港出乎意外的多,很多。用地點,用工種,用關鍵字一找就找來一大串,不稀奇。有趣是你可以測試SIRI一般,亂說一通,或心中有夢,找一找竟然都有工。試試輸入「打機」吧,很多打機工。愛飲酒嗎?又有很多以酒為業嘅工。試食,有,陪食?!都有。試下形容詞?輸入「Comfortable job」又如何!?你自己試下。一個國家的工作種類,不能同以往在香港相題並論。加上,再騎喱嘅工,在低處笨不低嘅最低工資加持下,也可以基本糊口。

以為我一味唱好英國?又做呃人KOL?呢啲留返俾香港那邊兩位阿6同阿7。

問題是,要請你。噢,太快了,首先係要肯見你。

可惜,現時令阿湯來回地獄又折返人間的是,手到拿來大量空缺,只要是但一份請你,糊口也不難,卻就是無一份有回音。叮叮一SEND,SIRI姐就是啞了一樣,無論漁翁撒網,還是細心剪裁個CV,SEND出去亦全無回音。忙了一輪,看見許多RELEVANT嘅工心花怒放之後,又落入黑洞式嘅寂靜…

上天玩我嗎?港豬賣豬仔在英國嗎?董生開口就中英國無前途嗎?哼!親,我還未到懷疑人生嘅程度。出師未捷先啞火,唯有瞎忙好作媒(777步成痴了)。現在是自由戀愛年代,唯搵工幾乎仍然停留於盲婚啞嫁歲月。素未謀面,單靠一紙CV,幾個面試對話,就決定你是否匹配工作。娶妻求淑女,CV都求淑女,阿湯就決定花時間P圖一樣執靚份CV。問過英國在住多年嘅朋友,又在網上折騰一番,得出很多CV大裝修嘅建議。搵工第一關,似乎先要過AI無情嘅關鍵字篩選,或者令一目十行嘅HR在茫茫人海中對你嘅Passion留下印象,才有機會被人相中面試入閘。

指尖一彈,Google姐不會讓你失望。瘦身又有,美容又有,天皇嫂訓練班都有...我指幫我個CV大改造嘅Website。詳細教學我不敢當,因為亦未見有效,只簡單分享這兩個:Canva, Zety。

Canva 都出名,各樣design 嘢都有,海報,FB, IG po 等等,CV是其一。美圖能力應該不用置疑,而且也易用。有免費版的。

Zety 專做CV,有好多template之餘,可以幫你個CV評分。我一開始慘得十幾分,一段一段跟指示去改,最後得到94分。感覺上自信回來,讓你更Pro吧。嗯,內涵嘢,要錢的。

瞎忙一輪,CV改好了,又撒網。One-click application 的確易過借火。超市中能做,在公園能做,甚至在廁所亦能做。嘿!看看今次有否機會入宮謹見。

搵工,不論在哪裡,明知是要迎合口味,內心卻又有一把純真聲音討厭如此。像自由戀愛,找帶有使命的,湯,你夠火候未。

恭賀首相拉埋天窗,也祝香港人早日找到工作落地生根。

香港人如我,樣子不笨,且好生養的。見字請我。

湯求職文

My UK Story

老湯移英滾滾

MeWe: https://mewe.com/p/老湯移英滾滾

港英匯館: https://www.hongkongers.co.uk/profile/otonukboilnroll/blog-posts

FB: https://www.facebook.com/OTonUKBoilNRoll

有咩題材你想我講,留言話我知

老火湯之外,我也愛喝咖啡,歡迎支持我

https://www.buymeacoffee.com/gorhomebrew

#UK #HKer #移英 #香港人 #湯叔 #老湯 #BNO #LOTR #BNOVisa




155 次瀏覽0 則留言

最新文章

查看全部