DIY compost


天氣開始暖和,如果大家有整開花園,呢個時候就最適合做compost啦 😊。成功嘅compost 係靠天然分解brown (carbon)同 green (nitrogen)物料而成,brown: green 比例約4:1。最常見嘅brown 原料就係廢紙,枯葉,乾草等,而green 物料就係廚餘,果皮,蛋殻,茶包,啡咖渣呢啲。


當儲足夠4:1份量,就可以將材料一層brown 一層green 咁交替放入個有蓋大膠桶內,淋水濕透,然後閂蓋,跟住就等佢自由發揮。經過發酵過程,入面嘅brown/green就會慢慢分解成營養豐富嘅泥土,可用嚟種花種菜啦!


成個過程開始至完成由三個月至一年不等,視乎用嘅材料,材料放入時如果越細片,氣溫又越熱,分解過程就越快。但如果材料壓得太實,或中途又再加過嘢,過程就會慢啲。


🙅🏻‍♀️🙅🏻‍♀️🙅🏻‍♀️

不過留意,有啲嘢係唔適合放入桶用作分解嘅,就好似肉類,骨頭,油或奶製品,有病害嘅植物,貓狗poo 等,因為有啲容易臭,有啲就可能有病菌或寄生蟲,再用嚟種嘢就唔多好了。


🌟成功第一步🌟

如幾星期後打開蓋時見到有白色發酵菌喺表面,恭喜哂,發酵過程已經成功啟動。呢個時候可以用花園用嘅大叉插吓佢助空氣流通,太濕的話就再加少少Brown 去平衡吓。


由於分解過程會有液體酵素流出嚟,所以記得喺桶底鑚幾個癃,亦不妨考慮將成個桶直接放泥土上,咁就唔會浪咗啲肥料啦🤓。如果唔係就用兩塊磚頭墊高個桶,用個膠盆仔收集酵素也可。


分解過程中味道唔會太大,有啲似太子站酸酸地隻味,除非打開蓋否則亦唔會聞到。至於點先係完成呢?分解完嘅compost 會係原來體積大約一半,泥土係深啡色,質地鬆散帶微濕,聞落去完全係泥土氣息,咁就完成㗎啦!


* 小小心得,由於brown料用得多,所以要先開始收集處理。Green 料則等最後幾日才開始儲都得,未用前可先放入密封盒保存就唔怕腐爛啦😊。









去年開始整嘅compost


72 次瀏覽0 則留言

最新文章

查看全部