Error...老湯自圓企画

移英等於自肥?放棄香港樂不思蜀?

沒有社會責任?移英人士日日英國點好點好出文低俗?

有人不能抽離一套低俗,沒有社會責任的非大台節目...也不能抽離香港...

【字幕:移英?為什麼?】

時間、西曆 2020 年。突然,太多不義,太少自由的年代,對於 阿湯 來說《移英滾滾企画》似是初步完成了,但還在尋找防止樂不思蜀的理由。由於受生活迫人、現實不太童話所限,因此以「新世紀」的前衛方式去補完 — 某些答案。

湯:呢度,係邊度呀?香港係咪已經完L咗喇?

湯2:係離開完蛋,但係身份沒有終結嘅世界。

湯3:係俾人叫移民做逃犯嘅世界。

湯4:呢個世界逃犯曾經存在,但一日有互聯網,佢都唔會再叫做逃犯。

湯2:只要你而家獨善其身,香港發生嘅所有嘢,就會了對你了無意義,係咪要咁做?

湯3:可唔可以陪多我一陣?可唔可以比我陪吓你?

湯4:你有冇嘢想問?

湯:點解,點解要移英滾滾?點解要離鄉別井?

【字幕:離開、何故】

湯2:首先要問,點解你要冒咁大險放棄香港一切?

湯:因為阿囡嘅將來要我負責?!

湯3:阿囡走唔走都有好多選擇,大把嘢可以令你當咩都睇唔到做人。

湯:因為自救,話到明係會光速沉淪,唔走俾人玩咪好傻囉。

湯2:唔係!

湯:因為我驚呀!我LOTR,係因為我驚呀!唔寫老湯移英滾滾,根本搵唔到自己!

【字幕:老湯移英滾滾、是甚麼】

湯3:只要老湯移英滾滾,就可以搵到自己嘅價值架喇咩?

湯:係,只要繼續老湯,大家會comment,會like會share,我覺得寫老湯滾老湯,大家會了解我多啲。係好自私,咁樣有咩唔啱喎!

湯2:努力迎合期望,唔會填滿你嘅空虛,大家唔係一直,都好希望你出po報喜不報憂㗎咩?係咁㗎啦!

湯3:呢個係你說服自己嘅答案。

湯4:老湯嘅本質係咩呀?

湯:呃.....吓?

【字幕:老湯移英滾滾】

湯2:老湯移英滾滾係講香港某茂利一家四口頭也不回赴英, 成員有阿湯、靚湯媽、大湯丸子、小湯丸子。

湯: 呢幾個人睇落有啲陌生,就算我喺入面都有咁嘅感覺。點解嘅?

湯3:你啲po,係片段嘅存在,缺乏前文後理。

湯4:但好多人都會自行整理出立體嘅人格,投射落去。

湯2: 你根本唔識我。立體嘅人格唔係真人相處,你整合唔到,你根本唔識我。

湯3: 係讀者面前,有時我哋只係一組剪接出嚟嘅符號。

湯4:老湯都係符號,係一種意義嘅載體。 老火湯對抗溫水蛙,公義要如大水滾滾,都係一種意義嘅載體。

湯:係.....係咩意義呀?

湯2:係刷存。

【字幕:刷存、何故】

湯2: 刷存嘅目的同意義,單純就係存在本身,係「existence」,係「identity」, 喺陪伴、係安慰。

湯3: 呢個係艱難嘅時代。

湯4: 老湯隱喻緊香港人其實唔應該有咁多制肘。

湯:但現實太多制肘。

湯2:隱喻緊香港人其實唔係有咁多衝不過嘅安舒區。

湯:但現在香港人每日都痛不欲生!

湯3:最痛嘅時候,都可以為存在不顧一切滾出去冒險,係老湯發放嘅意義,係呢時代大家都需要嘅能力。

湯4:都係你需要嘅能力, 你都係大家嘅一份子。

湯2:滾老湯。

湯3:滾老湯。

湯4:滾老湯啦。

湯:但.....但其實我唔一定要滾老湯㗎, 我離線做人都可以服事大家㗎, 我有養兩隻化骨龍、我攪緊跑步活動、打下波,我又忙搵工, 或者我可以用其他途徑,將安逸用食玩瞓表達出嚟,大家都係理性㗎,會明白㗎! 我唔需要線上滾老湯、唔需要移英,滾!

【字幕:移英滾滾、為甚麼】

湯2:因為所有嘢都係香港人呢種存在。

湯:我唔認同! 個邊每一日都有百五個入嚟新香港人嘅存在呀!

湯3:關你乜事呀?

湯: 唔係咁㗎,留係香港仲係好有意義㗎!

湯4: 所有嘅新聞、所有你接收到,之後唔能夠令你作出現實反應,又或者唔容許你作出現實反應嘅資訊, 社交媒體嘅圖、片。

湯2:都係消滅你香港人嘅存在。

湯3: 你坐喺花園、坐喺Costa、去咗邊度玩,有咩貴賓到訪、有咩災禍、邊個Visa批咗、邊個幫邊個租到樓,然後出文...

湯4:全部缺乏前文後理,了無意義,係片段化,泛濫、無用嘅麻醉藥。

湯3:擘大你雙眼。

湯: 唔係咁㗎!

湯2:擘大你雙眼!

湯3:片段化嘅零碎存在感,令大家習慣覺得 ,任何意念可以喺幾分鐘,或者幾十秒之內表達。

湯4:但意念其實唔係咁。

湯2:慢慢所有人都唔能夠再有專注力,承載重大意念。

湯3: 雖然刷存本身係老湯存在嘅目的, 但而家反而變成離散香港人對抗零碎抽離感嘅武器。

湯2: 阿湯移英嘅搏鬥、香港人一個個在外嘅搏鬥,係用解決問題嘅柒事凝聚同埋補完專注力。

湯:搏鬥?

湯2:重要嘅搏鬥,未必係今日。

湯:啊,我想問講咗咁耐,係咪因為唔夠積蓄、唔夠時間製作一個精彩嘅移民退休大結局?

湯4:絕對唔係。

湯3:你嘅睇法反映咗你嘅高度。

湯:答我呀! 你哋係咪搞緊gag呀?

湯2: 如果剛才嘅解說,對你嚟講了無意義,咁就係。如果講咁多嘢,都係為咗表達無樓無錢無關係無法合埋眼留係香港收成期而逃走。呢一個戲劇轉折,提供到香港人存在價值咩?

湯3:藍絲非常合理嘅價值。

湯4:但我會推到所有意義!

湯2: 如果香港人未準備好為存在搏鬥,嚴肅謹慎嘅警醒有咩為?

湯: 哈, 好彩你哋搞緊gag嘅啫,幾驚你哋講認真嘢呀。

湯4(搖頭):佢未準備好。

【字幕:大家都去了哪裡?】

KKMom:唔好逃避你見到嘅嘢,即使有幾咁無力,都要張開眼睛活著。

湯:KKMom雷丁生活日常?

KKMom:唔好畀搏鬥既定嘅符號所規限,每日刷存,總會得到力量!要耐心靜候!

窮媽打:要戰勝香港嘅荒謬,首先要接受荒謬嘅必然性。

窮花打:文明總會勝利,係信念!

湯:末代港英窮媽打?

小丐B:相信一種價值,因為價值係由我哋主觀去定義。 只要你相信,佢永遠都會存在。

湯:越嚟越多唔識嘅人出現咗呀!

湯2:佢哋全部都唔係坐以待斃嘅人。

湯3:就算你唔完美。

窮花打:就算有人漠視你!

湯:唔好逃避!

小丐B:就算所有事都唔順利,都要記住自己能夠貢獻到嘅嘢,唔好否定你當初相信嘅價值。

湯: 唔好逃避!

KKMom:每次懷疑嘅時候都問一次自己,點解會嚟到英國呢度,喺度又係做乜嘢。

窮媽打: 如果未搵到答案,咁就再試一次,唔好停止嘗試。

湯:唔好逃避!

湯:我明喇!

湯:阿湯並唔係唯一搏鬥緊嘅人,只要一日仲留喺呢片土地上,每一個人都用自己嘅方式,喺自己嘅崗位搏鬥,一個人唔會成功,但如果每一個人都盡力嘅話,每一個人都盡力嘅話!

(眾人鼓掌)

湯:(大家)

【字幕:多謝大家,恭喜老湯自圓成功】

眾人:好!!

【字幕:終結(以離港)開始(創香港)】

煲湯滾動

湯2:知我哋咩料啦!

湯4:有你有我!

湯3:出Po啦阿湯!

湯:嗯!

*出場角色

湯:阿湯本人

湯2/3/4:也是阿湯本尊,以電影Inside Out 喜怒哀樂人格分裂出現

Credit:

KKMom

https://www.facebook.com/KKMomReadingLife

末代港英窮媽打

https://www.facebook.com/HKmotherfighter2UK

My UK Story

老湯移英滾滾

MeWe: https://mewe.com/p/老湯移英滾滾

港英匯館: https://www.hongkongers.co.uk/profile/otonukboilnroll/blog-posts

FB: https://www.facebook.com/OTonUKBoilNRoll

有咩題材你想我講,留言話我知

老火湯之外,我也愛喝咖啡,歡迎支持我

https://www.buymeacoffee.com/gorhomebrew

#UK #HKer #移英 #香港人 #湯叔 #老湯 #BNO #LOTR #BNOVisa





43 次瀏覽0 則留言

最新文章

查看全部