• gaa1syu1

🧧first lunar new year in uk 年又過年

🧧first lunar new year in uk 年又過年 https://youtu.be/o1WIOezX3jg

第一年唔喺香港同屋企人過年,原來真係有啲唔好受,所以決定盡量做到幾多得幾多,將傳統帶過嚟解一解思鄉之情。



話咁快就年三十晚,向來無我咁著重傳統嘅阿盧唔知係咪見我滿懷熱誠地想盡辦法將農曆新年氣氛帶過嚟,所以由年廿八出去辦年貨;年廿九大掃除;年三十整盆菜同食湯丸,佢都超級高度配合。

香港年初一朝早即我哋臨訓嘅時間,岩岩好可以打畀屋企人拜個早年先訓覺,到我哋訓醒又可以再打多次畀佢哋感受下佢哋拜年嘅氣氛,好好彩都叫夾到時間。


見到姑媽因為我哋facetime佢拜年幾咁開心、雀躍,逐格逐格全盒介紹畀我;聽到老爺同我哋講:「無你哋兩個幫手食嘢,啲嘢食唔晒啊」;大伯:「喂~快啲過嚟鋤大dee啊」唔知點解有一種另類嘅開心、窩心。



雖然每逢佳節倍思親、你我相隔多麼遠,但慶幸有而家嘅科技令我哋可以拉近距離。

另外我哋今日都買咗盒金莎去peg屋企樓下拜拜年傾吓偈仔,佢仲送咗盒年糕同米粉畀我哋。無錯~嚟到呢到只好mix新舊傳統,好好感受下節日氣氛。


祝大家牛年平安、大吉大利、心想事成、身體健康


個人經歷,如有”不同”實屬巧合 如果鍾意我嘅文章/影片不防比個like鼓勵一下或者留個comment 歡迎share出去畀更多人睇喔


|| social media || ▶︎即時動態:https://www.instagram.com/gaa1syu1/ ▶︎文章 : https://mewe.com/p/gaa1syu11

65 次瀏覽0 則留言

最新文章

查看全部