Free fruit for kids

一個地方對小朋友有幾重視,其實可以響日常生活細節反映到出嚟。


呢度政府對小朋友方面嘅支援一直都好多,當然羊毛出自羊身上,税就當然會重啲㗎啦!與此同時,本土私人企業都願意作出唔少貢獻,例如有啲餐廳會有星期日小朋友免費嘅優惠。今日我哋去咗一間中價嘅超級市場,一入去就見到有個位係俾小朋友免費攞生果,啲生果睇落去都幾新鮮!


一個小小嘅動作,已經可以回饋社會,做生意真係唔使下下計到盡賺到盡,咁樣已經可以贏到不少民心!其實英國有好多基層家庭,今次疫情就將問題放得更大更明顯,政府同私人企業對佢哋不同程度支持,真係可以幫到佢哋好多。好似之前停課期間,有好多家庭屋企冇能力上網同買電腦俾小朋友做 home schooling,政府就幫佢地上網同買平板電腦俾佢地。響而家大家受到疫情不同程度煎熬嘅日子裏面,呢啲正能量更加難能可貴!

#以民為本 #取之于民 #用之于民 #交税都交得順氣啲 #C爸 #C媽

13 次瀏覽0 則留言

最新文章

查看全部