Lockdown Week 1 - 地獄周

第一個星期通常為地獄周,相信好多係英國嘅家長同我哋一樣經歷過好多嘅挑戰。


如果真係一個小朋友都好啲,因為兩個打一個會容易啲。兩個以上嘅話就有機會唔夠電腦用,有電腦用但係幾部機一齊開 Zoom 嘅話就拖慢晒啲速度。一個小朋友佔據一張枱喺度網上返學,飯廳客廳睡房各一個,睇少眼個啲死靚仔就會開 game 玩,一係就消失左,一係就發呆。


想完堂之後就到功課時間,重死。

唔通個個家長都係牛津劍橋畢業全部博士生?就算你識自己讀都未識得教個仔啦,唔通個個都係讀教育系咩?我就係連阿仔睇緊 Year 2 課外書嘅內容都唔係好明,全部字都要查字典嘅一個人。風力事?計數我淨係識用計數機。。。。


好在老師係派功課嘅時候俾埋啲答案我睇,如果唔係對於我來講就連解題都有難道。但係好多數學題,其實比完答案我都唔明佢點樣用英國教育嘅方法計出黎。香港填鴨真係簡單好多。唔好問點解,總之見到呢隻問題一定係用呢一個方法㗎啦,DL 做啦!




由於呀仔每日嘅工作紙數量好似越來越多,我都特登買多啲禮物俾佢,例如係可以將啲工作紙擺得好整齊嘅大File,同埋一箱 A4 紙。當佢每次做工作紙做到好辛苦嘅時候,再攞返俾佢睇,你睇吓你幾厲害做咗咁多啦,快啲做埋佢啦,做完英文仲有數學,做完數學仲有科學,做完科學仲要睇書,睇完書仲要出去做運動。




今日終於嚟到禮拜六,學校唔會有額外嘅功課或者課堂,但係啲細路都未必可以休息,因為可以再講返上星期做唔切嘅所有功課。因為呀仔過去嗰幾日都食咗好多屎啦,今日就輕鬆啲選擇同佢睇書講故事,就係嗰本我每一行都要查字典嘅一本書仔。過到嚟英國就係重新學習,視乎你嘅小朋友讀緊幾多年級,讀大學嗰啲就恭喜你。其實我已經另外幫佢安排咗網上補習,每星期一個鐘,之後有練習英文同埋數學嘅網頁同埋 APP 俾佢玩。 雖然禮拜一開始電視台會有三個鐘頭小學教育電視睇,但係根據佢而家做功課嘅速度來講,係冇可能比到佢睇囉。。。。


Keep Calm and Carry On?


跪求 英國版 Home Schooling 攻略天書


#prefercountryside 我嘅 FB https://bit.ly/3mCLpto

#HomeSchooling

46 次瀏覽1 則留言

最新文章

查看全部