Pergola 花園涼棚

好開心,花園個pergola 終於做好啦!🎉 如果第日種紫藤花成功,想像一定好靚😍。


以往一踏入夏天我哋個廳就勁曬,之前都試過拉個帳蓬遮吓,不過帳蓬落雨又儲住泡水,大風又易吹爛,要收都唔易,成日服侍佢好麻煩,玩咗一季就收工啦。


之後就有整pergola 呢個想法,本來打算去Amazon 買一座簡單四百幾鎊嘅,另外搵師傅安裝。不過我哋呢個pergola 主要想用嚟遮太陽,如果可以造到每一條木條都有個斜度,遮光就更有效,但成件事就因為咁複雜咗,搵勻周圍都無呢個設計🤔。


同我哋相熟builder傾過,除斜度外,佢仲提意每條木條切薄啲同排得密啲,佢真係完全明白我哋意思,令人感動🥺。度身訂造固然比買現成貨貴,材料連人工安裝要£1000,不過我哋都好樂意接受,因為佢講嘅就正係我哋想要嘅🤓。


呢個構思已經藴釀咗好耐,不過師傅一路忙緊啲大project,到而家先得閒招呼我哋。本來屋企仲有啲小工程要搵佢幫手㗎,不過由於實在等唔切,當中有啲項目已經上網自學解決咗😅。


嚟到呢度,唔想等就要靠自己。好彩網上乜都有教嘅,上網買材料工具又唔係難,肯花啲時間研究好多嘢都可以自己嚟。講真以前邊會諗自己去補牆身個癃,去鋸木,又鑽癃又整呢樣嗰樣呢。而家識多咗嘢又慳咗錢,仲有機會俾小朋友一齊落手落腳參與吓,都應該算係好事嚟嘅☺️。




140 次瀏覽0 則留言

最新文章

查看全部