Smart meter

上星期五叫咗師傅裝咗smart meter, 呢舊嘢嘅好處就係從此唔駛每月報錶俾電力公司/煤氣公司知,佢哋可以實時知道我哋嘅用量。加上我哋本身個電錶位好麻煩,用咗佢就方便得多啦。


以前有人問電同gas 大約每月幾錢,我屋企九百幾尺,四人家庭用British Gas, 兩樣合併每月收£90,其實我都好好奇其他人俾幾多😅。


呢邊有好多款計劃(tariff),計法都係一個standard rate 加unit rate收費,可以上格價網睇吓自己嘅生活習慣適合邊種tariff,邊間公司多啲。不過留意有時最平又未必最好,有啲CS可能好差,只有online chat,又或十世都唔覆,所以大公司都有好處嘅。


有款計劃叫Economy 7,夜晚用電係會比日間平。我哋屋企之前都用呢款,所以會較時間夜晚先開洗碗機同乾衣機。


不過用邊款都要試乎屋企個meter 而定,唔同計劃要用唔同meter,通常買/租屋時用開邊款meter 就會繼續用落去,無需要特登花錢去轉。最多格下價睇吓同一款計劃有邊間公司做得抵啲而已。

講番smart meter,佢就好似一個白色盒仔咁,裝時最好安排電錶同煤氣錶一齊𨍭,師傅話分開做好多時都會出問題㗎。


72 次瀏覽0 則留言

最新文章

查看全部