Xmas is Coming

大家都知道英國人對聖誕節有幾重視,雖然而家連萬聖節都未到,但係大大小小嘅Christmas Market 同賣聖誕裝飾嘅市場都已經準備就緒。今日我地就去咗個由garden centre 搞嘅聖誕裝飾市場,一去到已經有長長嘅人龍等住入場,大家都好自律地帶哂口罩及保持距離,帶得啱唔啱就另一回事啦。


C爸覺得有啲似行年宵,成個市場都算大,裝飾佈置用品都好齊存,亦佈置得好靚。好似行年宵咁,入得去又點會空手而回呢?就算明知好大機會會買貴嘢,C爸C媽同小朋友都耐心選購,響濃烈嘅節日氣氛下,最尾當然就係滿載而歸!其實佢有好多聖誕樹裝飾都好鬼死靚,但係好可惜佢哋係玻璃,屋企有兩隻小狗嘅我哋同埋有一個亂衝亂撞嘅小朋友,我哋就梗係冇買到啦,小朋友當場已經唔小心打爛左一個,當然要佢同職員「自首」,當場職員可能都見慣不怪,只係問小朋友響邊到發生,話轉頭去打掃番。。。


其實我哋主要目的都係想感受下氣氛同埋買棵聖誕樹,雖然而家仲係10月,但係好多聖誕樹都已經開始貨源緊張冇現貨,要預訂。我哋都訂咗一棵,等通知再去攞貨。個市場就勝在乜都有,價錢就未必係最抵㗎啦,但係一次過喺嗰度買晒,唔使周圍揀!


去完裝飾品市場,下次就要去Christmas Market。疫情關係,都冇可能去到德國出名嘅Christmas Market,唯有去住英國嗰啲先啦,希望下年可以成行!


#為聖誕準備 #家居佈置系列 #C爸 #C媽













16 次瀏覽0 則留言

最新文章

查看全部